小朋友是餃子怪，所以屋企雪櫃長期有餃子儲備。近日發現淘大新出煎餃，包裝上註明『免油煎』，立即買包韮菜...

小朋友是餃子怪，所以屋企雪櫃長期有餃子儲備。近日發現淘大新出煎餃，包裝上註明『免油煎』，立即買包韮菜豚肉煎餃回家試試。

唔需要解凍，打開就即煎。燒熱鑊後， 唔洗落油，平面向底煎一陣，之後加水焗一陣，收乾水份就食得，全程不需十分鐘就完成。無落油煎，皮竟然金黃香脆。餡料足，肉汁亦不少。下次可以試埋氣炸煎餃。一包有10隻，啱晒做午餐或晚餐。

另外，見到淘大都出左腐皮蝦卷，除左煎之外，又可以氣炸或者叮來食。我就簡簡單單氣炸左佢，外脆內鮮味，下午茶食就最啱。

---